Nümayəndələr Palatası İlhan Öməri İsrail əleyhinə bəyanatlarına görə Xarici Əlaqələr Komitəsindən çıxarıb…
ABŞ nümayəndəsi İlhan Ömər (D-Minnesota ştatı) İsrail əleyhinə bəyanatlarına görə Nümayəndələr Palatasının Xarici Əlaqələr Komitəsindən uzaqlaşdırıb.
PİA.az xəbər verir ki, bu barədə The Jerusalem Post qəzeti yazıb.
ABŞ Nümayəndələr Palatası 218lehinə, 211 əleyhinə olmaqla Ömərin Xarici Əlaqələr Komitəsindən kənarlaşdırılmasına səs verib. Respublikaçılar bildiriblər ki, Ömər keçmişdə İsrail əleyhinə fikirlər səsləndirdiyinə və antisemit klişelərdən istifadə etdiyinə görə Komitədən uzaqlaşdırılmalıdır.
Nümayəndələr Palatasının spikeri Kevin Makkarti Ömərin komitədən uzaqlaşdırılması qərarını müdafiə edib. Səsvermədən sonra mediaya danışan Makkarti bildirib ki, onun keçmiş bəyanatları Nümayəndələr Palatasının Xarici Əlaqələr Komitəsində ABŞ-ı təmsil etməyə uyğun olmadığını açıq şəkildə göstərir.
“O, dəfələrlə antisemitizm klişelərindən istifadə edib, Amerika və İsraili Həmas və Talibanla müqayisə edib”, deyə Makakrti verilən qərara haqq qazandırıb.
Ömər səsvermənin nəticələrindən asılı olmayaraq, Komitədə “qalacağını” bildirib.
“Bir müddət bu Komitədə olmasam, səsim boşa getməyəcək, səsim daha yüksək və daha güclü çıxacaq”, deyə o, Nümayəandələr Palatasının qərarını şərh edrkən deyib.
Qeyd edək ki, İlhan Ömər, Rəşidə Tlaiblə birlikdə ABŞ Konqresinə seçilən ilk müsəlman qadındır.
pia.az
Digərxəbərlər
Populyar xəbərlər
