ABŞ Ukraynaya 20% torpaq müqabilində sülh təklif edib…

Yanvarın ortalarında ABŞ prezidenti Co Bayden Mərkəzi Kəşfiyyat İdarəsinin (MKİ) rəhbəri Uilyam Börnsə Kiyev və Moskvaya səfər etməyi və onların danışıqlara hazırlığını qiymətləndirməyi tapşırıb.

PİA.az xəbər verir ki, bu barədə İsveçrənin Neue Zürcher Zeitung nəşri alman siyasətçilərinə istinadən məlumat yayıb.

Nəşrin məlumatına görə, Börns Kiyevə və Moskvaya bir plan təklif edib: sülh müqabilində ərazilər… Bu plana görə, Rusiya Ukrayna ərazilərinin təxminən 20%-ni almalı və müharibəyə son qoymalı idi.

Hərracın predmeti təxminən Donetsk və Luqansk vilayətləri ilə üst-üstə düşən Ukrayna ərazisinin 20%-i olub. Bildirilir ki, hər iki ölkə ABŞ-ın bu təklifindən imtina edib.

Ukrayna ərazilərdən imtina etmək istəmədiyi üçün Börnsə “yox” deyib, Rusiya isə uzunmüddətli perspektivdə müharibədə qalib gəlmək və daha da çox əraziləri işğal edə biləcəklərinə inandığı üçün Vaşinqtonun təkilfini geri çevirib.

Nəşrin mənbələrinə görə, Ağ Evdə hələ də Ukraynada müharibənin bitməsi ilə bağlı mübahisələr gedir.

NZZ mənbələri qeyd edib ki, məhz Börnsün uğursuz səfərindən sonra tankların Ukraynaya verilməsinə qərar verilib. ABŞ prezidenti Bayden Şoltsun təkidinə boyun əyərək “Abrams” tanklarının verilməsinə razılıq verib. Bu, Almaniya kansleri üçün sürpriz olub, ona görə də onun “Leopard 2” tankları ilə bağlı qərarı qaçınılmaz olub.

pia.az