Ukrayna kəşfiyyatı Belarusdakı rus hərbiçilərinin sayını açıqlayıb…
PİA.az Unian.net saytına əsasən xəbər verir ki, Ukrayna kəşfiyyatına görə Belarusda 9 minə yaxın rus işğalçısı var.
Müdafiə Nazirliyinin Baş Kəşfiyyat İdarəsi qeyd edib ki, hazırda Belarus Ukraynadakı müharibədə iştirak edən batolyanların bərpası və hərbiçilərin hazırlanması üçün təlim mərkəzidir.
Ukrayna nəşri bildirir ki, Müdafiə Nazirliyinin Baş Kəşfiyyat İdarəsinin nümayəndəsi Andrey Yusov Freedom-a açıqlamasında Belarus ərazisinin rus ordusunun bərpa və təlim mərkəzi olduğunu bildirib.
“Belarusda 9000-ə yaxın rus işğalçısı var və həqiqətən də Belarus poliqonları səfərbər olunanların təlimi üçün, həmçinin Belarus xəstəxanaları da Ukraynada yaralıların müalicəsi üçün istifadə olunur”, deyə Yusov bildirib.
pia.az