FHN-in daha 229 nəfər şəxsi heyəti Kahranmaraşa çatıb - Foto, Video

APA-nın Türkiyəyə ezam olunan müxbiri xəbər verir ki, heyət hazırda AFAD-ın Təhsil Mərkəzində yerləşən toplama məntəqəsinə giriş edib.

Onlar yaxın saatlarda şəhər ərazisində yerləşən axtarış-xilasetmə işlərinə cəlb ediləcək.

Bu Azərbaycandan göndərilən 7-ci xilasetmə qrupudur.

Qeyd edək ki, Prezident İlham Əliyevin tapşırığına əsasən, Fövqəladə Hallar Nazirliyinin ümumilikdə 725 nəfər şəxsi heyəti qardaş Türkiyəyə gələrək zəlzələnin nəticələrinin aradan qaldırılmasl ilə bağlı axtarış-xilasetmə işlərinə cəlb edilib.

***

Azərbaycan Respublikasının Prezidenti İlham Əliyevin tapşırığına uyğun olaraq, Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə yola salınmış Fövqəladə Hallar Nazirliyinin növbəti çevik xilasetmə qüvvələri qardaş ölkəyə çatıb.

Poliqon.info xəbər verir ki, bu barədə FHN məlumat yayıb.

Çevik xilasetmə qüvvələri yaxın saatlarda axtarış-xilasetmə əməliyyatlarına başlayacaq.

poliqon.info