Hazırda Rusiya iqtisadiyyatı beynəlxalq iqtisadçıların və analitiklərin müxtəlif proqnoz və gözləntilərinin əksinə olaraq özünü xeyli yaxşı hiss edir…
Qərb ölkələrinin tətbiq etdiyi geniş sanksiyalara baxmayaraq, sadə vətəndaşların həyatı o qədər də dəyişməyib.
Poliqon.info xəbər verir ki, bu barədə The Independent nəşrinin köşə yazarı Devid Makhyu yazıb.
“Qərbin sanksiyaları Rusiya banklarına, zəngin insanlara və texnologiya idxalına zərbə vurub. Lakin Moskvanın hərbi gücünü zəiflətməyə yönəlmiş bir illik genişmiqyaslı məhdudiyyətlərdən sonra adi rusların iqtisadi həyatı 2022-ci ilin fevralından əvvəlkindən çox da fərqlənmir”, deyə müəllif yazır.
Məqalədə göstərilir ki, Rusiyanın nisbətən yaxşı iqtisadi vəziyyəti var və ölkədə kütləvi işsizlik problemi yoxdur. Milli valyutanın kəskin ucuzlaşmaması fonunda Rusiya iqtisadiyyatı stabil görünür. Bir sıra xarici istehsalçıların ölkəni tərk etməsinə baxmayaraq, Rusiyanın daxili bazarında beynəlxalq brendlərin mövcudluğu davam edir.
“Supermarketdə çeşid çox dəyişməyib, beynəlxalq brendlər hələ də mövcuddur və ya yerli əvəzedicilərlə əvəz olunur. Ola bilsin ki, Moskvanın bəzi ticarət mərkəzlərində izdiham azalıb, amma bu elə də nəzərə çarpan deyil. McDonald's və Starbucks kimi bəzi xarici şirkətlərin xidmətlərini isə faktiki olaraq eyni menyuya müxtəlif adlar əlavə edən yerli sahibkarlar tərəfindən ələ keçirilib”, deyə məqalədə bildirilir.
Poliqon.info
Digərxəbərlər
Populyar xəbərlər
