“ABŞ Dövlət Departamentinin hesabatında Azərbaycanla bağlı yer alan fikirlər həqiqəti əks etdirmir”.
Bu sözləri Globalinfo.az-a politoloq Qabil Hüseynli deyib.
Onun sözlərinə görə, hesabatda səslənən iddialar əsaslandırılmır:
“Qeyd olunub ki, guya mediada və siyasi fəaliyyətdə sərt məhdudiyyətlər var. Bunu əsaslandırmaq lazımdır. Azərbaycanda həm media, həm də siyasi fəaliyyətdə şəffaflıq təmin edilib. İnsanların sərbəst toplaşma, fikir, söz azadlıqları var. Keçirilən aksiyalar da bunu təsdiq edir.
Azərbaycan tolerant ölkədir. Bu gün ölkəmizdə heç kəs din, dil, cins və ya etnik mənsubiyyətinə görə ayrı-seçkiliyə məruz qalmır. Lakin ABŞ-a baxdıqda biz irqçiliyin hər gün daha da şiddətləndiyini görə bilərik. ABŞ-da faktiki olaraq qaradərili insanlara qarşı ayrı-seçkilik cəmiyyətin hər sahəsində özünü radikal formada göstərir.
İslamofobiya isə hər gün ABŞ daxil olmaqla Qərb ölkələrində artır. Bütün bu və bu kimi faktlar rəsmi Vaşinqtonun mövqeyinin qərəzli olduğunu, özündə olan problemləri başqa ölkələrə yansıtdığını göstərir.
Həbsxanalarla bağlı deyilənlər də ədalətsizdir. Məncə, Azərbaycandakı ən sərt qaydaların tətbiq edildiyi həbsxana belə heç vaxt “Alkatras” kimi bir həbsxana ilə müqayisə edilə bilməz. ABŞ-da ölüm hökmünün qaldığını qeyd etmək isə hesab edirəm, onların iradının nə qədər mənasız olduğunu bir daha sübut edir”.
Turan Rzayev
Poliqon.info
Digərxəbərlər
Populyar xəbərlər
