ABŞ prezidenti Co Bayden Suriyada Amerika hərbçilərinin mövcudluğunu saxlamaq niyyətindədir...
Poliqon xəbər verir ki, bunu ABŞ Milli Təhlükəsizlik Şurasının nümayəndəsi Con Kirbi deyib.
“Bizim İŞİD-ə qarşı missiyamız dəyişməyəcək”, deyə Kirbi CBS telekanalına bildirib. Onun sözlərinə görə, ABŞ-ın Suriyada İŞİD-ə qarşı mübarizə aparan 1000-ə qədər hərbçisi var.
Kirbi qeyd edib ki, Bayden bu missiyanı davam etdirmək istəyində sarsılmazdır.
Qeyd edək ki, ötən həftə Suriyanın şimal-şərqində ABŞ bazasına PUA-nın hücumu nəticəsində bir nəfər həlak olub, beş Amerika əsgəri və bir podratçı yaralanıb. ABŞ rəsmiləri buna görə İranyönlü Suriya birləşmələrini günahlandırıb.
Xatırladaq ki, ABŞ hərbçiləri Suriyada əsasən bəzi neft və qaz yataqlarına nəzarətdə saxlayır.
Poliqon.info
Digərxəbərlər
Populyar xəbərlər
