Aİ Rusiya neftinin tavan qiymətini dəyişmək üçün səs çoxluğunun olmadığını bəyan edib…
Avropa İttifaqı və G7-də Rusiya neftinin əvvəllər müəyyən edilmiş qiymət həddini dəyişməyə imkan verəcək çoxluq yoxdur.
Poliqon xəbər verir ki, bu barədə cümə axşamı, martın 30-da brifinqdə Avropa Komissiyasının (AK) rəsmi nümayəndəsi Daniel Ferri bildirib.
“Avropa Komissiyası artıq araşdırma aparıb. Biz üzv dövlətlərlə əlaqə saxlayırıq. Hazırda qiymət tavanının dəyişməsi üçün çoxluq yoxdur”, deyə Ferri deyib.
Qeyd edək ki, Qərbin Rusiya neftinə qarşı sanksiyaları 2022-ci il dekabrın 5-dən qüvvəyə minib. Aİ Rusiya Federasiyasından dəniz yolu ilə daşınan yanacağın qəbulunu dayandırıb və G7 ölkələri bir barel üçün 60 dollar qiymət limiti tətbiq edib. Bu qiymətdən yuxarı neftin daşınması və sığortalanması qadağandır.
Martın ortalarında mətbuatda bir sıra ölkələrin Avropa İttifaqına Rusiya neftinin qiymət “tavanının” dəyişdirilməsini təklif etdiyi barədə məlumat yayılıb. Onlar barreli 60 dollardan 51,45 dollara endirməyi təklif ediblər.
Poliqon.info
Digərxəbərlər
Populyar xəbərlər
