Ronaldo Əl-Nəsrdən ayrılmaq istəyir...

Poliqon xəbər verir ki, bu barədə çərşənbə axşamı, mayın 23-də, anonim mənbəyə istinadən Mundo Deportivo Afentliyi məlumat yayıb.

Agentliyin mənbələrinin sözlərinə görə, Ronaldo müasir cəmiyyətin standartlarından uzaq olan yerli infrastrukturdan narazıdır. Qeyd olunur ki, 38 yaşlı portuqaliyalı hücumçunun yaxın ətrafı Avropaya qayıda bilmək üçün şəraitinin pis olması ilə bağlı açıq şəkildə danışmağa başlayıb.

Ronaldo üzrlü səbəb olmadan Səudiyyə klubunu tərk etmək qərarına gəlsə, “Ən-Nasr”a təzminat ödəməli olacaq. Hücumçunun klubla hazırkı müqaviləsi 2025-ci ilin iyununa qədərdir.

Qeyd edək ki, Ronaldo 2022-ci ilin sonunda Səudiyyə Ərəbistanının “Əl-Nasr” klubuna keçib. O, klubda 17 oyuna çıxıb, 13 qol vurub və 2 məhsuldar ötürmə edib.

Daha əvvəl mətbuatda Portuqaliya millisinin hücumçusu Kriştianu Ronaldonun Səudiyyə Ərəbistanının “Ən-Nasr” futbol klubunu tərk edərək “Real Madrid”ə qayıtmaq niyyətində olduğu barədə məlumatlar yayılmışdı.

Mənbələrin məlumatına görə, 38 yaşlı futbolçuya dil maneəsi mane olur. Üstəlik, Ronaldonun Səudiyyə Ərəbistanı mədəniyyətinə uyğunlaşması çətindir. Futbolçu “Real Madrid”dən getdiyinə görə təəssüflənir və Madriddə yaşamaq istəyir.

Poliqon.info