Belqorod vilayətinin qubernatoru Vyaçeslav Qladkovun sözlərinə görə, diversantların hərəkətləri nəticəsində 12 vətəndaş yaralanıb...
“Antiterror əməliyyatı zamanı Belqorod vilayətinin ərazisinə soxulmuş 70-dən çox ukraynalı diversant məhv edilib”.
Poliqon TASS-a istinadən xəbər verir ki, bunu Rusiya Müdafiə Nazirliyinin rəsmi nümayəndəsi general-leytenant İqor Konaşenkov deyib.
“Millətçi birləşmələrin qarşısı hava zərbələri, artilleriya və rus bölmələrinin hərəkətləri ilə alınıb. 70-dən çox terrorçu, 4 döyüş zirehli texnikası və 5 pikap məhv edilib”, deyə MN rəsmisi bildirib.
Onun sözlərinə görə, mayın 22-də Ukrayna silahlıları Belqorod vilayətinin Qraivoronski rayonu ərazisinə daxil olub. Həmin gün bölgədə "antiterror əməliyyatı" rejimi tətbiq edilib. Rusiya prezidenti Vladimir Putin vəziyyətlə bağlı məlumatlandırılıb.
Belqorod vilayətinin qubernatoru Vyaçeslav Qladkovun sözlərinə görə, diversantların hərəkətləri nəticəsində 12 vətəndaş yaralanıb, təxliyə zamanı bir pensiyaçı da ölüb. Əməliyyat Rusiya hərbçiləri, sərhədçilər, Milli Qvardiya və FTX əməkdaşları tərəfindən həyata keçirilib.
Poliqon.info