Paşinyan anklavları qaytarmağa hazırdır: Bütün bunlar cəfəngiyyatdır...

“Söhbət sülhdən gedirsə, bütün bunlar cəfəng suallardır”.

Poliqon xəbər verir ki, bunu Ermənistanın Baş naziri Nikol Paşinyan Moldova erməni diasporu ilə görüşündə deyib.

“Xəritədə Tiqranaşenin (Kərki kəndi) Azərbaycanın bir hissəsi olduğu ortaya çıxsa belə, mən bunda heç bir problem görmürəm. Biz yeni yol çəkəcəyik”, deyə Baş nazir sualıa cavab olaraq bildirib.

Paşinyan qeyd edib ki, belə məsələlər ətrafında gərginlik yaratmaq doğru deyil.

“Niyə indi belə məsələlər ətrafında gərginlik yaradılır. Bütün bunlar müzakirə üçün suallardır. Həm də bizə qarşı psixoloji təzyiqə yol verməyə ehtiyac yoxdur. Söhbət sülhdən gedirsə, bütün bunlar cəfəng suallardır”, deyə Ermənistanın Baş naziri Moldova erməni diasporu ilə görüşündə deyib.

Poliqon.info