ABŞ Türkiyənin “Southwind Airlines” aviaşirkətinə Amerikanın “Boeing 737 MAX” təyyarəsi ilə Rusiyaya uçuşu qadağan edib...
Poliqon xəbər verir ki, “İzvestiya”nın Rusiya aviadaşıyıcılarındakı mənbələrə istinadən verdiyi məlumata görə, ABŞ “Southwind Airlines”ı sanksiyalarla hədələyib və onun təyyarələrinə xaricdə xidmət göstərməyi qadağan edib.
Bununla belə, ABŞ Ticarət Departamentinin Sənaye və Təhlükəsizlik Bürosunun martın 3-də dərc etdiyi son sanksiya siyahısında heç bir “Southwind Airlines” təyyarəsi yoxdur.
Qeyd edək ki, “Southwind Airlines” 2022-ci ildə “Pegas Touristik” turizm holdinqi tərəfindən rusları Türkiyədəki kurortlara daşımaq üçün yaradılan türk çarter aviaşirkətidir. Aviaşirkətin donanması qismən Rusiyanın “Nordwind Airlines” şirkətinin (“Pegas Touristik” holdinqinin bir hissəsi) keçmiş təyyarələrindən ibarətdir.
“Southwind Airlines”in donanmasında üç “Boeing 737 MAX” var. Onlardan ikisi bu yaxınlarda Rusiyaya uçuşlar həyata keçirib. Hər ikisi Amerikanın “Air Lease Corporation” şirkətinə məxsusdur və icarəyə götürülüb.
Poliqon.info
Digərxəbərlər
Populyar xəbərlər
