Bütün Nigeriyada elektrik enerjisi kəsilib

Poliqon xəbər verir ki, bu barədə Al Jazeera kanalı məlumat yayıb.

Telekanalın məlumatına görə, enerji istehsalı cümə axşamı səhər sıfıra düşüb və sonra 273 MVt-a çatıb ki, bu da gündəlik orta hesabla 4,1 min MVt-dan xeyli aşağıdır. Elektrik şəbəkəsi gün ərzində bir neçə dəfə sıradan çıxıb və enerjinin nə vaxt tam bərpa ediləcəyi bəlli deyil.

Nigeriyanın bütün cənub-şərq hissəsini elektrik enerjisi ilə təmin edən Enugu Elektrik Paylayıcı Şirkəti sistemin tam çökməsi barədə bəyanat yayıb.

Nigeriyanın elektrik şəbəkəsi keçən il ən azı dörd dəfə sıradan çıxıb. O zaman hökumət rəsmiləri səbəb kimi texniki problemləri göstərmişdilər.

Poliqon.info