Türkiyə Rusiyaya qazın qiymətinin aşağı salınmasını təklif etdi

Poliqon xəvbər verir ki, bununla bağlı Türkiyənin energetika və təbii sərvətlər naziri Alparslan Bayraktar jurnalistlərlə söhbəti zamanı məlumat verib.

Moskva və Ankara qazın qiymətinin maksimum səviyyəsi ilə bağlı razılığa gəliblər, ona görə də Avropanın ən böyük TTF qovşağında qiymətlərin dəyişməsi halında Türkiyə tərəfi kəskin qiymət artımlarından qorunur. Nazir etiraf edib ki, belə bir şərt endirim sayıla bilər.

Buna baxmayaraq, hazırkı reallıqlarda Türkiyə hesab edir ki, razılaşmaya yenidən baxmağa dəyər:

“Türkiyə qazının qiyməti yüksəkdir. “Qazprom” etibarlı təchizatçı, Türkiyə isə Rusiya qazının yaxşı və etibarlı istehlakçısı olduğu üçün yaxın illərdə ondan daha münasib qiymətlər gözləyirik. Bununla belə, biz bu məsələnin rəqabətqabiliyyətliliyini nəzərə almalıyıq, ümid edirəm ki, qarşılıqlı anlaşmaya nail ola biləcəyik”.

Ümumilikdə Türkiyə qaz idxalına görə 38 milyard dollar ödəyib ki, bunun da 40%-i Rusiyaya gedib. Bayraktar hansı dövrdən danışdığını dəqiqləşdirməyib.

Bundan əvvəl nazir bildirib ki, qaz qovşağı ilə bağlı Rusiya ilə danışıqlarda gecikmə yoxdur. Bayraktar qeyd edib ki, mərkəzin tikintisi ilə bağlı danışıqlarda fasilə zəlzələ və prezident seçkiləri ilə bağlıdır. Amma indi iş davam edir.

Poliqon.info