Çin ABŞ-ın iki müdafiə şirkətinə qarşı sanksiyalar tətbiq edib

Poliqon xəbər verir ki, bu barədə Çin Xarici İşlər Nazirliyinin sözçüsü Mao Ninq bildirib.

“Çin yuxarıda adı çəkilən iki ABŞ müdafiə şirkətinə sanksiya tətbiq etmək qərarına gəlib”, deyə XİN rəsmisi bildirib.

Xarici İşlər Nazirliyinin nümayəndəsi sanksiya tədbirlərinin konkret nədən ibarət olduğunu açıqlamayıb.

Diplomat qeyd edib ki, Amerika silahlarının Tayvana çatdırılmasında "Lockheed Martin" və "Northrop" Grumman iştirak edib. Əlavə edib ki, Çin hökuməti milli suverenliyi və ərazi bütövlüyünü qorumaq əzmində sarsılmazdır.

Bundan əvvəl ABŞ Hərbi Hava Qüvvələrinin katibi Frenk Kendall Çinin ABŞ ilə potensial münaqişə üçün silahlı qüvvələrini gücləndirdiyi barədə xəbərdarlıq etmiş və belə bir ssenariyə hazırlığa başlamağa çağırmışdı.

Poliqon.info