Cənubi Koreya Kim Çenin yeraltı bunkerlərini vuracaq raketlərə 218 milyon dollar xərcləyəcək...
Cənubi Koreya yeraltı bunkerlərdə gizlənən düşmənləri hədəf alan raketlərin daha təkmil versiyasını hazırlamaq üçün 218 milyon dollar sərmayə qoymaq qərarına gəlib.
Poliqin Yonhap Agentliyinə istinadən xəbər verir ki, bu barədə Cənubi Koreyanın Müdafiə Təchizat Proqramı Agentliyindən (DAPA) məlumat verilib.
Açıqlamada sözügedən sərmayənin Cənubi Koreyanın özünün inkişaf etdirdiyi və yeraltı sığınacaqları hədəf alan raketlər kimi tanınan “Koreya Taktiki Yer-Yer Raketi”nin ikinci versiyasının hazırlanması üçün istifadə ediləcəyi bildirilib.
DAPA rəsmisi də Cənubi Koreya mətbuatına verdiyi açıqlamada bu raketlərin Şimali Koreyanın yerin altında gizlətdiyi silahları hədəf alacağını bildirib.
Sözügedən layihənin 2027-ci ilin sonuna qədər davam edəcəyi qeyd edilib.
Poliqon.info
Digərxəbərlər
Populyar xəbərlər
