Cümə axşamı, 18 İyul 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Ermənistanın məntiqi... - Sərhəddə Rusiyanın bacarmadığını Avropa İttifaqı bacaraq...

Ermənistanın qərbpəsərt siyasətçiləri və ekspertləri baş nazir Nikol Paşinyana təklif edirlər ki, noyabra qədər İrəvan Avropa İttifaqına üzvlüklə bağlı Brüsselə rəsmi müraciət ünvanlasın...

Politoloq: “Bu təklifin arxasında o “məntiq” dayanır ki, Rusiyanın bacarmadığını Avropa İttifaqı bacaracaq və Azərbaycan ordusuna yeni mövqelərdə möhkəmlənməyə Brüssel mane olacaq”.

Azərbaycanın nə noyabrdan əvvəl, nə də sonra Ermənistana müdaxilə etmək kimi planı yoxdur”.

Bu sözləri politoloq Elxan Şahinoğlu Ermənistan cəmiyyətində yaradılan Azərbaycanın Ermənistana müharibə elan edəcəyi xofunu Poliqon-a şərh edərkən qeyd edib.

Ermənistan hakimiyyətində və cəmiyyətində belə bir xof yaranıb ki, guya noyabr ayına qədər Azərbaycanla sülh və ya çərçivə sazişi imzalanmasa, Bakıda keçiriləcək COP-29-dan sonra yeni müharibə başlayacaq. Ermənistanın qərbpəsərt siyasətçiləri və ekspertləri baş nazir Nikol Paşinyana təklif edirlər ki, noyabra qədər İrəvan Avropa İttifaqına üzvlüklə bağlı Brüsselə rəsmi müraciət ünvanlasın, əks halda Rusiya və Kollektiv Təhlükəsizlik Müqaviləsi Təşkilatı Ermənistanı qorumaq istəməyəcək və bu ərazi itkisinə səbəb olacaq.

Bəs, erməni cəmiyyətində xof yaratmaqla Ermənistanın Avropa İttifaqına üzv olmasının tezləşdirilməsi mümkündürmü?

Mövzunu Poliqon-un əməkdaşı “Atlas” Araşdırmalar Mərkəzinin rəhbəri, politoloq Elxan Şahinoğlu ilə müzakirə edib.

Elxan Şahinoğlu: “Ermənistanın bu yolla Avropa İttifaqına üzv olmasının tezləşdirilməsi mümkün deyil”.

Paşinyanın tam nəzarət edə bilmədiyi Ermənistan ordusundakı “5-ci kolon” hərbçilərinin yenə Azərbaycan tərəfə atəş açarlarsa, bunun onlar üçün ağır nəticələri olacağını vurğulayan ekspert Poliqon-a açıqlamasında qeyd edib ki, bu halda qarşı tərəf həqiqətən ərazi itkisi ilə üzləşə bilər:

“Bu təklifin arxasında o “məntiq” dayanır ki, Rusiyanın bacarmadığını Avropa İttifaqı bacaracaq və Azərbaycan ordusuna yeni mövqelərdə möhkəmlənməyə Brüssel mane olacaq. Avropa İttifaqı bunu necə edəcək, orası maraqlıdır. Ən əsası isə, Ermənistanın bu yolla Avropa İttifaqına üzv olmasının tezləşdirilməsi mümkün deyil.

Məsələnin ikinci tərəfi isə odur ki, Azərbaycanın nə noyabrdan əvvəl, nə də sonra Ermənistana müdaxilə etmək kimi planı yoxdur, başımız işğaldan azad olunan ərazilərdə quruculuq işlərinə qarışıb. Bundan başqa şərti sərhəddə strateji yüksəkliklər nəzarətimiz altındadır, bundan artığı bizə lazım deyil. O başqa məsələ ki, Paşinyanın tam nəzarət edə bilmədiyi Ermənistan ordusundakı “5-ci kolonun” hərbçiləri yenə Azərbaycan tərəfə atəş açarlarsa, bunun onlar üçün ağır nəticələri olacaq və bu halda qarşı tərəf həqiqətən ərazi itkisi ilə üzləşə bilər.

Nikol Paşinyan və onun ətrafı COP-29-dan sonra müharibə və növbəti məğlubiyyət təhlükəsindən bu qədər qorxurlarsa, bunun sadə yolu var. Paşinyan Konstitusiyaya vəd etdiyi dəyişiklikləri reallaşdırmalı, ən azı referendum yolu ilə qonşuların ərazilərinə iddia edən bəndləri əsas qanundan çıxarmalıdır. Bu noyabdan əvvəl və sonra müharibə ehtimalını ortadan qaldıracaq. Bir şərtlə ki, Paşinyan ordusunu da təxribatçı elementlərdən təmizləsin. Çünki hətta sülh sazişi Ermənistan ordusundakı təxribatçıları Azərbaycanın mövqelərinə atəş açmaqdan dayandırmaya bilər”.

Nərminə UMUDLU
Poliqon.info


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Birlikdə özlərini meşədə asan boşanmış qadının və 11 yaş kiçik sevgilisinin fotoları - Video, Yenilənib

YAP İdarə Heyətinin iclası bitib, bütün seçki dairələrindən namizədlər irəli sürülüb - Yenilənib

Bu deputatların da adı YAP-ın siyahısında yoxdur 

YAP-ın deputatlığa namizədləri açıqlanıb – Siyahı

Benzinə görə bu maşınların qiyməti dəyişdi - Maşın bazarında son vəziyyət

Prezident Cəbrayıl, Qubadlı və Zəngilandakı xüsusi nümayəndəsinə müavin təyin edib

ABŞ mediası Qarabağ müharibəsini Ukraynadakı münaqişə ilə müqayisə edib

"Birləşdik - 2024" beynəlxalq təlimi başa çatıb - Yenilənib

Prezidentin xüsusi nümayəndəsinin yeni müavini kimdir? - Bioqrafiya

Sabir Rüstəmxanlı və İqbal Ağazadə deputatlığa namizədliyini verməyəcək

Ən çox oxunanalar