Avropada qazın birja qiymətləri son iki ildə ilk dəfə 300 dollardan aşağı düşdü

Mayın 25-də qazın qiyməti 1000 kubmetr üçün 300 dollardan aşağı düşüb.

Bunu ICE London birjasında keçirilən hərracların nəticələri sübut edir.

Niderlandda TTF qovşağında iyun füçerslərinin qiyməti 1000 kubmetr üçün 297,06 dollara və ya 1 MVtsaata 26,8 avroya düşüb (hazırkı avro/dollar məzənnəsinə əsasən, ICE qiymətləri MVtsaat üçün avro ilə təqdim olunur).

Qiymət günün əvvəlindən 3,5% aşağı düşüb.
İki il ərzində ilk dəfədir ki, belə qiymət müəyyən edilib.

Sonuncu dəfə qazın belə aşağı məzənnəsi 2021-ci il mayın 20-də olub.

Poliqon.info