Argentinanın yeni prezidenti şok islahatlar proqramı hazırlayır

Poliqon xəbər verir ki, bu barədə "La Nacion" nəşri məlumat yayıb.

Proqram əmək və vergi sahəsində qanunvericiliyin sadələşdirilməsini, iqtisadiyyatın, xüsusilə də mədənçıxarma sənayesinin tənzimlənməsinin ləğvini, bəzi müəssisələrin özəlləşdirilməsini və onların mülkiyyət hüququnun işçilərə verilməsini nəzərdə tutur.

Seçki sistemindəki dəyişikliklərin ilkin seçkiləri (PASO) ləğv edəcəyi də gözlənilir. Bu bənd son həftələrdə islahat proqramına əlavə edilib. Qeyd olunur ki, proqram hələ də yekunlaşmaq üzrədir və "canlı sənəddir".

Qeyd edilir ki, Mileyin iddialı islahat proqramının həyata keçirilməsini Argentina parlamentinin hər iki palatasında onun partiyasının az sayda tərəfdarı - aşağı palatada 38, yuxarı palatada isə 7, habelə onun partiyası ilə digər partiyaların koalisiya yaratmaqdan imtina etməsini çətinləşdirəcək.

Qeyd edək ki, Miley seçildikdən sonra ilk çıxışında köklü islahatlara ehtiyacdan danışıb. O, Mərkəzi Bankı, bir çox nazirlikləri və dövlət qurumlarını ləğv edəcəyini vəd edib.

Poliqon.info