Politoloq: Ermənistan gec-tez Konstutusiyanı dəyişəcək...

Zeynal Əmrəliyev: “Ermənistan Xarici İşlər Nazirliyi nə qədər bu haqda bəyanatlar versə də, fakt budur ki, sülh Azərbaycanın istədiyi zamanı və istədiyi şərtlər daxilində imzalanacaq. Əgər bu baş vərmeyscəksə, sülh müqaviləsi də olmayacaq”.

“Görünür ki, Ermənistan Azərbaycanın Konstitusiya ilə bağlı haqlı tələbini görməzdən gəlmək istəyir”.

Bu sözləri politoloq Zeynal Əmrəliyev Ermənistan Xarici İşlər Nazirliyinin sülh bəyanatını Poliqon-a şərh edərkən qeyd edib.

Ermənistan Xarici İşlər Nazirliyi bildirib ki, Ermənistan tərəfinin sülh saziş üzərində işin yaxın bir ay ərzində başa çatdırılması və imzalanması istiqamətində konstruktiv, intensiv şəkildə çalışmağa hazırdır. Prezident İlham Əliyev isə Ermənistan konstitutsiyası dəyişmədən sülh sazişinin imzalanmayacağını bildirib.

Bu durumda Ermənistan Xarici İşlər Nazirliyinin prosesi tələsdirmək cəhdlərini necə dəyərləndirmək olar? Həqiqətənmi rəsmi İrəvan sülh sazişini imzalamağa hazırdır, yoxsa bu bəyanat sadəcə konstitutsiya dəyişkiyinidən yayınmağa hədəflənib?

Mövzunu Poliqon-un əməkdaşı politoloq Zeynal Əmrəliyev ilə müzakirə edib.

Zeynal Əmrəliyev: “Ermənistan Konstitusiyasını dəyişməlidir, orda “Böyük Ermənistan" xəstəliyi ilə bağlı olan maddələri Konstitusiyadan çıxarmalıdır. Bunun əksi yolverilməzdir”.

Ermənistan tərəfinin gec-tez Konstutusiyanı dəyişəcəyini və Azərbaycanın haqlı tələbini qəbul edəcəyini vurğulayan politoloq Poliqon-a bildirib ki, rəsmi İrəvan bunu etməyə sadəcə məcburdur və Paşinyanln da dediyi kimi erməni dövlətçiliyinin davam erməsi üçün bu zəruridir:

“Görünür ki, Ermənistan Azərbaycanın Konstitusiya ilə bağlı haqlı tələbini görməzdən gəlmək istəyir. Ancaq bu yolverilməzdir. Azərbaycan prezidenti cənab İlham Əliyevin söylədikləri gələcəyə hesablanmış məsələdir və münaqişənin birdəfəlik bitməsinə böyük dəstək verəcək amildir. Ermənistan Konstitusiyasını dəyişməlidir, orda “Böyük Ermənistan” xəstəliyi ilə bağlı olan maddələri Konstitusiyadan çıxarmalıdır. Bunun əksi yolverilməzdir.

Ermənistan Xarici İşlər Nazirliyi nə qədər bu haqda bəyanatlar versə də, fakt budur ki, sülh Azərbaycanın istədiyi zamanı və istədiyi şərtlər daxilində imzalanacaq. Əgər bu baş vərmeyscəksə, sülh müqaviləsi də olmayacaq. Çünki qalib tərəf Azərbaycandır.

Ermənistan tərəfi gec-tez Konstutusiyanı dəyişəcək və Azərbaycanın haqlı tələbini qəbul edəcək. Rəsmi İrəvan bunu etməyə sadəcə məcburdur və Paşinyanln da dediyi kimi erməni dövlətçiliyinin davam erməsi üçün bu zəruridir”.

Nərminə UMUDLU
Poliqon.info