ABŞ-ın Kaliforniya ştatının sərhədçiləri keçmiş SSRİ-nin bir sıra ölkələrindən olan qeyri-qanuni mühacirləri dərhal deportasiya etmək əmri alıblar...
Poliqon xəbər veriri ki, bu barədə The New York Post qəzeti daxili sənədə istinadən məlumat yayıb. Nəşr yazır ki, söhbət Rusiya, Gürcüstan, Moldova, Qırğızıstan, Tacikistan və Özbəkistandan gedir.
Qəzetin yazdığına görə, əsasən yetkin miqrantlar deportasiya edilir. 100-dən çox ölkəni əhatə edən şərq yarımkürəsinin digər ölkələrindən olan miqrantların işləri davam edərkən ABŞ-da qalmasına icazə verilir. Sərhədçilər tərəfindən alınan əmr sərhədin San Dieqo şəhəri yaxınlığındakı hissəsinə aiddir. NYP-nin məlumatına görə, bu ərazi şərq yarımkürəsindəki ölkələrdən gələn qeyri-qanuni miqrantların əksəriyyətini təşkil edir.
Qeyd edək ki, ABŞ-da Meksikadan sərhədi qanunsuz keçən miqrantlara sığınacaq verilməsinə müvəqqəti qadağa qüvvəyə minib. Yeni qaydalar Amerika səlahiyyətlilərinə ABŞ-da olmaq üçün heç bir hüquqi əsası olmayan şəxsləri daha tez ölkədən çıxarmağa imkan verəcək. Müvafiq qərarı prezident Co Bayden bu məsələdə təşəbbüsü rəqibi Donald Trampdan ələ keçirmək üçün verib.
Poliqon.info
Digərxəbərlər
Populyar xəbərlər
