ABŞ Ukraynaya zirehli maşınlarda daxil olan böyük yardım paketi hazırlayır

Poliqon xəbər verir ki, bu barədə Politico qəzeti Amerika rəsmilərinə istinadən yazır. Nəşrin həmsöhbətlərinin sözlərinə görə, bu paketin tərkibinə zirehli texnika və “Bradley” piyadalarının döyüş maşınları daxil olacaq.

Politico-nun məlumatına görə, ABŞ bu paket çərçivəsində HMWWV (Humvee) hərbi çoxməqsədli maşınları, M113 zirehli transportyorları, eləcə də artilleriya və hava hücumundan müdafiə mərmilərini Ukraynaya ötürməyi də planlaşdırır. Nəşrin mənbələri qeyd ediblər ki, yeni paket Ukraynanın döyüş meydanındakı ehtiyaclarını ödəyə biləcək. Rəsmilər paket çərçivəsində tədarüklərin ABŞ prezidenti Co Baydenin 61 milyard dollarlıq Ukraynaya yardım qanununu imzalamasından dərhal sonra başlayacağını gözləyir.

Qeyd edək ki, aprelin 20-də Konqresin aşağı palatası hərtərəfli qanun layihəsi çərçivəsində Ukraynaya yardım üçün 61 milyard dolların ayrılmasını təsdiqləyib. Bu sənədə aprelin 23-də Senat baxmalıdır. Qanunvericilər tərəfindən təsdiqlənərsə, Co Bayden sənədi imzalayacaq. 61 milyard dollardan 20 milyard dollardan çoxu Amerika ehtiyatlarının artırılmasına, 14 milyard dolları silahların alınmasına, 9 milyard dolları isə kreditlərin verilməsinə sərf olunacaq.

Poliqon.info