Avropa biznesi xaricdə dondurulmuş Rusiyanın aktivlərinin müsadirə edilməsi məsələsində öz sözünü deməlidir...
Poliqon xəbər verir ki, bunu Rusiya Federasiya Şurasının sədri Valentina Matvienko deyir.
Valentina Matvienko Moskvanın cavab tədbirlərinin sərt olacağı ilə hədələyib.
"Düşünürəm ki, Avropa biznesi öz sözünü deməlidir, çünki cavab tədbirlərimiz Avropa biznesinə ağır zərbə vuracaq. Ona görə də mən onlara belə qərarlar verməyi məsləhət görməzdim", deyə Matvienko "RİA Novosti" Agentliyinə müsahibəsində bildirib.
Spiker əmindir ki, ABŞ hakimiyyəti Avropanın rəqabət qabiliyyətini azaltmaq üçün xarici siyasəti ilə onu boğmaq istəyir. Onun fikrincə, "amerikalılar Avropanı yerə yıxdılar" və onu "vassala" çevirdilər.
Aprelin 20-də ABŞ Konqresinin Nümayəndələr Palatası Rusiyanın dondurulmuş aktivlərinin Kiyevə verilməsini, həmçinin Ukrayna, İsrail və Tayvana hərbi yardım göstərilməsini özündə əks etdirən qanun layihəsini təsdiqləyib. Kreml əmindir ki, ABŞ-ın Ukraynaya yeni yardımı yalnız onu məhv edəcək. "Washington Post" yazır ki, Qərb Rusiya aktivlərinin müsadirə edilməsi məsələsində hələlik konsensusa malik deyil.
Poliqon.info