Braziliyada aclıqdan əziyyət çəkənlərin sayı kəskin azalıb

Braziliyada aclıqdan əziyyət çəkən insanların sayı il ərzində əhəmiyyətli dərəcədə azalıb.

Poliqon xəbər verir ki, bu barədə yerli “TeleSUR” telekanalı Braziliya Coğrafiya və Statistika İnstitutunun keçirdiyi sorğunun nəticələrinə istinadən məlumat yayıb.

Belə ki, 2022-ci ildə Braziliyada 33,1 milyondan çox insan aclıqdan əziyyət çəksə də, 2023-cü ildə bu statistika 8,7 milyona düşüb.

Araşdırma göstərir ki, aclıq problem 2022-ci ildə Latın Amerikasının ən böyük ölkəsinin əhalisinin 15,5%-ni, bir ildən sonra isə 4,1%-ni əhatə edib.

Braziliyanın sosial inkişaf naziri Vellinqton Diaz vurğulayıb ki, vəziyyət ölkə prezidenti Luiz İnasio Lula da Silva hökumətinin səylərini əks etdirir və onun aclıq və yoxsulluqla mübarizəyə yönəlmiş sosial siyasətinin effektivliyini sübut edir.

Poliqon.info