Rusiya Kuril adalarında kəşfiyyat bazaları şəbəkəsi qurmaqla Yaponiyaya Ukraynaya yardımın nəticələri barədə siqnal göndərir...
Poliqon "South China Morning Post"a nəşrinə istinadən xəbər verir ki, bnunu Templ Universitetinin Tokio şəhərciyinin Beynəlxalq Əlaqələr Departamentinin professoru Ceyms Braun deyib.
"Moskva Yaponiyaya nümayiş etdirmək istəyir ki, Kiyevi dəstəkləmək üçün atılan addımların nəticələri olacaq və bu addımlar Tokionun maraqlarına uyğun deyil", deyə professor bildirib.
Məqalədə həmçinin qeyd olunur ki, bazaların yaradılması Rusiyaya Yaponiyanın və deməli, ABŞ-ın hərəkətlərini daha yaxşı izləməyə imkan verəcək.
Daito Bunka Universitetinin Beynəlxalq Əlaqələr Departamentinin professoru Qarren Malloy isə bildirib ki, bu bazalar Yaponiyanın şimalına yönəldilmiş göz və qulaqlara çevriləcək.
"Bunun sayəsində Rusiya yaponların radar siqnallarını təhlil edərək, onların müttəfiqi ABŞ-ın etdiklərini izləyə biləcək", deyə Malloy əlavə edib.
Bir gün əvvəl Rusiyanın Yaponiyadakı fövqəladə və səlahiyyətli səfiri Nikolay Nozdrev "RİA Novosti" agentliyinə müsahibəsində bildirmişdi ki, Moskva Yaponiyanın fəaliyyətini ABŞ-ın müxtəlif dar bloklu layihələri, o cümlədən AUKUS, QUAD və hər cür "üçbucaqlar" çərçivəsində görür. "Rusiya və Çini tutmaq" zərurəti ilə bağlı qarşıdurma xarakterli rəvayətlərlə müşayiət olunan minitərəfli formatlarda hərbi qarşılıqlı fəaliyyətin konsolidasiyası Asiya-Sakit okean regionunda Vaşinqton üçün əlverişli birtərəfli təhlükəsizlik paradiqmasını tətbiq etməyə yönəlib və suveren gücləri öz öhdəliklərinə tabe olmağa məcbur etmək məqsədi daşıyır.
Poliqon.info