İsrail ABŞ-ı hədələyir - BCM Netanyahu haqqında həbs orderi verərsə, Fələstinə qarşı sərt addım atacaq...

İsrail ABŞ prezidenti Co Bayden administrasiyasını Beynəlxalq Cinayət Məhkəməsinin (ICC) İsrail rəhbərliyinin həbsinə order verəcəyi təqdirdə Fələstin Milli Administrasiyasına (PNA) qarşı cavab tədbirləri görəcəyi ilə hədələyib.

Poliqon xəbər verir ki, bu barədə Axios portalı mənbələrə istinadən məlumat yayıb.

“İsrail Bayden administrasiyasına bildirib ki, hökümət üzvləri haqda həbs qərarı verilərsə, Fələstin Muxtariyyətini məsuliyyətə cəlb edəcək və onun dağılmasına səbəb ola biləcək qətiyyətli addımlar atacaq”.

Nəşr qeyd edir ki, mümkün tədbirlərdən biri İsrailin Fələstin Administrasiyası üçün topladığı vergi gəlirlərinin transferini dondurmaq ola bilər. Bu vəsait olmasa, Fələstin Muxtariyyətinin fəaliyyəti iflic ola bilər.

İsrail tərəfi təhdidini Fələstin Muxtariyyətinin BCM prokuroruna order vermək üçün təzyiq göstərə biləcəyi şübhələri ilə əsaslandırır. Öz növbəsində Bayden İsrailin baş naziri Benyamin Netanyahu ilə şəxsi söhbətində qeyd edib ki, Vaşinqton BCM-nin hərəkətlərini dəstəkləmir və prosesləri dayandırmaq üçün addımlar atır.

Qeyd edək ki, daha əvvəl ABŞ Konqresinin nümayəndələri BCM-ə xəbərdarlıq etmişdilər ki, İsrail rəsmilərinin həbsinə order verilərsə, Vaşinqton cavab tədbirləri görəcək. Bu məsələdə Respublikaçılar və Demokratlar partiyalarının üzvlərinin İsraillə bağlı mövqeyi üst-üstə düşür.

Poliqon.info