Təlimlərin məqsədi kollektiv hava və raket hücumundan müdafiəni gücləndirməkdir...
Poliqon xəbər verir ki, bu barədə Pentaqonun mətbuat katibinin müavini Sabrina Sinq brifinqdə bildirib. Məlumatda qeyd edilir ki, Birləşmiş Ştatlar NATO-nun altı ölkəsindən 5000 hərbiçinin iştirakı ilə Avropada “Astral Cəngavər 2024” təliminə başlayıb.
“Bu manevrlər ABŞ Müdafiə Nazirliyinin 2024-cü ildə keçiriləcək genişmiqyaslı qlobal təlimlərinin bir hissəsidir”, deyə Sabrina Sinq bildirib.
Pentaqon rəsmisi qeyd edib ki, iki həftə davam edəcək təlimə 50-dən çox təyyarə və digər tuçan aparatlar cəlb olunacaq. Həmçinin təlimdə ABŞ, Böyük Britaniya, Polşa, Latviya, Estoniya və Litvadan olan 5 min hərbçi iştirak edəcək.
Xatırladaq ki, aprelin sonunda Litvada Polşa ilə birgə “Suval” dəhlizinin müdafiəsini sınaqdan keçirmək məqsədi daşıyan birgə təlimlər keçirilib.
Poliqon.info