Çin: Asiya ölkələri NATO-nun regionda genişlənməsinə qarşıdır...

Poliqon xəbər verir ki, Çin rəsmisi bunu İndoneziya, Sinqapur və bir sıra digər ölkələrin nümayəndələrinin yeni “Soyuq müharibə” görmək, Çin və ABŞ arasında seçim etmək məcburiyyətində qalmaq istəmədikləri barədə bəyanatlarını şərh edərkən deyib.

“Əksər ölkələrin mövqeyi çox aydındır: onlar regionda müxtəlif hərbi blokların birləşməsinə qarşıdırlar, NATO-nun Asiyaya genişlənməsini alqışlamırlar, blokların qarşıdurmasının Asiyaya ötürülməsini qəbul etmirlər. Onlar Asiyada soyuq və ya isti müharibəyə icazə verməyəcəklər”, deyə Van Venbin bildirib.

Nazir əlavə edib ki, Asiya “dünyada böyümə və inkişaf üçün ən böyük potensiala malik regiondur”. Onun sözlərinə görə, Asiya qarşılıqlı faydalı əməkdaşlıq üçün böyük arena olmalıdır və “qapalı və müstəsna kiçik” bloklara bölünməməlidir.

İndoneziya, Sinqapur və bir sıra digər ölkələrin nümayəndələri iyunun 2-4-də Sinqapurda keçirilən Şanqri-La Dialoq beynəlxalq təhlükəsizlik konfransında yeni Soyuq müharibə görmək istəmədiklərini bildiriblər. Çinin müdafiə naziri Li Şanfu ölkəsinin yeni təhlükəsizlik təşəbbüsünü açıqlayıb. O, forumdakı çıxışında Asiya-Sakit okean regionunda NATO-ya bənzər hərbi ittifaqların yaradılmasının bir sıra münaqişələrə səbəb olacağını qeyd edib.

Poliqon.info