Çinin “ByteDance” korporasiyası problemi həll etmək üçün bütün qanuni variantları tükəndiyi təqdirdə TikTok-u satmaq əvəzinə ABŞ-da bağlamağı seçəcək...
Poliqon xəbər verir ki, bu barədə The Guardian nəşrinin məlumatında bildirilir. Nəşr yazır ki, Amerika hakimiyyəti bütün ölkə ərazisində platformanı qadağan etməyə hazırdır.
“ByteDance”a yaxın mənbələr qəzetə bildiriblər ki, məsələ TikTok-un istifadə etdiyi alqoritmlərə aiddir. Onlar şirkətin ümumi əməliyyatlarının açarıdır və ona görə də sosial şəbəkənin satış ehtimalı çox azdır.
“TikTok çox populyar və bir milyarddan çox istifadəçisi olsa da, “ByteDance”in ümumi gəlirinin və gündəlik aktiv istifadəçilərinin kiçik bir hissəsini təşkil edir və hələ də zərərlə işləyir. Buna görə də, biznesin satışı şirkəti ciddi dividendlərdən məhrum etməyəcək. Lakin bu, rəqiblərə vacib texnologiyaların açıqlanması təhlükəsini yaradır”, deyə The Guardian-ın mənbələri qeyd ediblər.
Qeyd edək ki, aprelin 24-də Senat ABŞ-da TikTok-un qadağan edilməsi və ya satışı ilə bağlı qanun layihəsini təsdiqləyib. Sənədi artıq ABŞ prezidenti Co Bayden imzalayıb. Çin tərəfi “ByteDance” platformasını ÇXR-in yurisdiksiyasında olmayan şirkətə satmağı təklif edir. Bu bir il ərzində baş verməsə, tətbiq bütün ABŞ-da qadağan edilə bilər.
Bununla belə, TikTok sahibləri hələ də qanuna məhkəmədə etiraz etmək niyyətindədirlər. Onlar Amerika Konstitusiyasına Birinci Düzəlişin pozulması ilə bağlı şikayət vermək istəyirlər və iddia edirlər ki, sosial şəbəkə qadağan olunarsa, amerikalılar öz fikirlərini azad ifadə etmək üçün platformaya girişdən məhrum olacaqlar.
Bundan əvvəl The Wall Street Journal qəaetinin mənbələri də Çinin TikTok -usatmaqda maraqlı olmadığını bildirmişdilər. Onların fikrincə Pekin, ABŞ-da sosial şəbəkəni bağlamağa üstünlük verəcək.
Poliqon.info