Rusiya Ermənistana qarşı iqtisadi sanksiyalar tətbiq edə bilərmi?..
İqtisadçı-ekspert: “Ermənistanla Rusiya arasında sözlü atışmalar artıq iki ildən çoxdur ki, davam edir. Son vaxtlar da bu atışmalar xeyli intensivləşib”.
“Ukrayna müharibəsi başlanandan 2.7 milyard dollarlıq Rusiyaya lazım olan qadağan olunmuş avadanlıqların, yarımkeçiricilərin, mikrosxemlərin Ermənistan vasitəsilə alınıb Rusiyaya daşınmasının şahidi olmuşuq. Yəni burada Rusiya da maraqlıdır”.
Bu sözləri iqtisadçı-ekspert Natiq Cəfərli Rusiya-Ermənistan münasibətlərinin son vəziyyətini Poliqon-a şərh edərkən qeyd edib.
Rusiya prezidentinin mətbuat katibi Dmitri Peskov və Rusiya Xarici İşlər Nazirliyinin sözçüsü Mariya Zaxarova son günlər Ermənistan hakimiyyətinə mesajlar göndərirlər. Mesajlardan biri bundan ibarətdir ki, Rusiyada yaşayan ermənilər Ermənistana hər il milyardlarla dollar pul köçürürlər və bu Ermənistan büdcəsindəki vəsaitdən çoxdur. Bir çox ekspertlər bu açıqlamaları İrəvana açıq xəbərdarlıq kimi dəyərləndirilər. Lakin o da fakdır ki, Ermənistan iqtisadiyyatı sözün həqiq mənasında Rusiyadan asılıdır.
Rusiya Ermənistana qarşı iqtisadi sanksiyalar tətbiq edə bilər və Qərb Ermənistanı bu sanksiyalardan qorumaq imkanlarına sahibdirmi?
Mövzunu Poliqon-un əməkdaşı iqtisadçı-ekspert Natiq Cəfərli ilə müzakirə edib.
Natiq Cəfərli: “Rusiya və Ermənistanın qarşılıqlı söz atışmalarının hansısa konkret addımlara keçəcəyini düşünmürəm”.
Sadəcə hər iki tərəfin öz küskünlüklərini və incikliklərini dilə gətirdiklərini vurğulayan ekspert Poliqon-a bildirib ki, səslənditrilən qarşılıqlı ittihamlara baxmayaraq konkret addımlar yoxdur:
“Ermənistanla Rusiya arasında sözlü atışmalar artıq iki ildən çoxdur ki, davam edir. Son vaxtlar da bu atışmalar xeyli intensivləşib. Amma burada qarşılılıqlı asılılıq var. Ermənistan Rusiyanın sanksiyalardan yan keçməsi üçün ona lazım olan yarımkeçiricilər, mikorsxemlərin alınmasında ən vacib ölkədir. Ukrayna müharibəsi başlanandan 2.7 milyard dollarlıq Rusiyaya lazım olan qadağan olunmuş avadanlıqların, yarımkeçiricilərin, mikrosxemlərin Ermənistan vasitəsilə alınıb Rusiyaya daşınmasının şahidi olmuşuq. Yəni burada Rusiya da maraqlıdır.
Rusiya və Ermənistanın qarşılıqlı söz atışmalarının hansısa konkret addımlara keçəcəyini düşünmürəm. Sadəcə hər iki tərəf öz küsgünlüklərini və incikliklərini dilə gətirirlər. Amma konkret addımlar yoxdur. Ermənistan həm Avrasiya İttifaqının üzvüdür, həm də Gömrük İttifaqının üzvüdür və buradan çıxması da planlaşdırılmır.
Eyni zamanda Paşinyan may ayında Rusiyaya növbəti böyük səfəri planlaşdırılır. Bir daha qeyd edim ki, Ermənistana qarşı Rusiya tərəfindən konkret hansısa addımların atılmasını düşünmürəm”.
Nərminə UMUDLU
Poliqon.info
Digərxəbərlər
Populyar xəbərlər
