Politico: Çin Yəmən Husilərini dolayı yolla maliyyələşdirir

Çin hökuməti İslam İnqilabı Keşikçiləri Korpusunun xüsusi təyinatlı hərbi hissəsi olan “Qüds Qüvvələri” tərəfindən satılan İran neftini alır.

Poliqon xəbər verir ki, bu barədə Politico qəzeti mənbələrə istinadən məlumat yayıb. Nəşr qeyd edir ki, “Qüds Gücü” neft satışından əldə etdiyi pulla Husiləri hazırlayır və maliyyələşdirir.

Adının çəkilməsini istəməyən Qərb rəsmisinin sözlərinə görə, Pekin özü Husilərin Qırmızı dənizdəki hərəkətlərindən əziyyət çəkdiyi üçün Çin bu “dəstəy”i istəmədən husilərə etmiş olur.

“Mən əmin deyiləm ki, onlar oturduqları budağı kəsdiklərini dərk edirlər” deyə rəsmi nəşrə bildirib. Çin hökuməti Politco-nun sorğusuma cavab verməyib.

Qeyd edək ki, 2023-cü ilin payızından Yəmən husiləri Qırmızı dənizdə ABŞ və Britaniya gəmilərinə, eləcə də İsraillə əlaqəli gəmilərə hücum edir. Onlar İsraillə müharibədə Fələstinin Həmas hərəkatını dəstəkləyirlər. Husi nümayəndələri Çin və Rusiya gəmilərinə hücum etməyəcəklərinə söz veriblər. Lakin martın 24-də ABŞ Mərkəzi Komandanlığı üsyançıların Panama bayrağı altında üzən Çin tankeri “Huang Pu”ya raketlə hücum etdiyini bildirib. Gəmiyə ciddi ziyan dəyməyib.

Poliqon.info