Makron Putinun G20 sammitinə dəvət olunmasına qarşıdır...

Fransa prezidenti Emmanuel Makron assosiasiyanın digər üzvləri ilə Vladimir Putinin Braziliyada keçiriləcək G20 sammitinə dəvət edilməsinin mümkünlüyünü müzakirə etməyi zəruri hesab edir.

Poliqon xəbər verir ki, Makron bunu Braziliya prezidenti Luiz İnasio Lula da Silva ilə danışıqlardan sonra keçirilən mətbuat konfransında deyib.

“Kimin nə düşündüyünü, başqaları ilə necə işlədiyini soruşmaq həmişə faydalıdır. Axı bu klubun məqsədi odur ki, hər şey digər 19 üzvlə razılaşdırılmalıdır. Dəvət olunan şəxsin azadlığı ilə hər kəsə hörmət arasındakı uyğunluq məhz budur”, deyə Makron fikrini izah edib.

Makron Fransanın Breqanson şəhərində keçiriləcək G7 sammitinə hazırlıq zamanı eyni sualla üzləşdiyini xatırladıb. Həmin vaxt bir sıra görüş iştirakçıları Putini dəvət etsələr, gəlməyəcəklərini bildiriblər. Eyni zamanda Fransa prezidenti qeyd edib ki, onun Braziliya prezidentinə “dərs vermək” hüququ yoxdur və sammitə kimi dəvət edəcəyinə özü qərar verməlidir.

Qeyd edək ki, Braziliya prezidenti rusiyalı həmkarını 2024-cü ildə keçiriləcək G20 sammitinə dəvət edəcəyinə söz verib.

Poliqon.info