Argentina İranın daxili işlər naziri Əhməd Vahidinin həbsini tələb edir...

Argentina hakimiyyəti 1994-cü ildə Buenos-Ayresdə yəhudi mədəniyyət mərkəzinə edilən terror aktına görə məsuliyyət daşıyan İranın daxili işlər naziri Əhməd Vahidinin həbsini tələb edir.

Poliqon xəbər verir ki, bu barədə Argentinanın Xarici İşlər Nazirliyi məlumat yayıb.

“Argentina 1994-cü ildə 85 nəfərin ölümü ilə nəticələnən AMİA-ya (yəhudi mədəniyyət mərkəzi) hücuma görə məsuliyyət daşıyanların həbsini tələb edir”. Deyə Argentina XİN-nin bəyanatında bildirilir.

Bəyanatda qeyd edilir ki, Buenos-Ayresdə yəhudi mədəniyyət mərkəzinə edilən terror aktına görə məsuliyyət daşıyanlar tam cəzasız olaraq öz rəhbər vəzifələrini tutmaqda davam edirlər.

“Onlardan biri AMİA-ya hücumun səbəbkarlarından biri kimi Argentina ədliyyəsi tərəfindən axtarışa verilmiş Əhməd Vahididir. Bu şəxs hazırda İran İslam Respublikasının daxili işlər naziridir və hazırda Pakistan və Şri-Lankada səfərdə olan hökumət nümayəndə heyətinin tərkibindədir. Argentina Pakistan və Şri-Lanka hökumətlərindən onun İnterpolun təklif etdiyi mexanizmlərə uyğun olaraq həbs edilməsini xahiş edib”, deyə departamentin açıqlamasında bildirilir.

Poliqon.info