Yəmənin üsyançı hərəkatı “Ənsar Allah” Yəmən sahillərində gəmiyə raket zərbəsi endirib...
Poliqon xəbər verir ki. bu barədə Husilərin hərbi sözçüsü Yəhya Sariya bildirib. Associated Press Agentliyi yazır ki, ilkin məlumata görə, itki yoxdur.
Hadisə dünən, aprelin 25-də baş verib. Britaniya Dəniz Ticarət Əməliyyatları Mərkəzinin məlumatına görə, gəmi Ədəndən 25 km cənub-qərbdə hücuma məruz qalıb. Kapitanı gəminin və bütün ekipajın təhlükəsizlikdə olduğunu bildirib.
Husilərin sözçüsü Saria hücumun hədəfinin “MSC Darwin” gəmisi olduğunu açıqlayıb.
Qeyd edək ki, Husilər 2023-cü ilin oktyabrından İsraillə müharibədə olan Fələstinin HƏMAS hərəkatını dəstəkləyir və İsrail tərəfini dəstəkləyən ölkələrin gəmilərini hədəfə alır. Husilərin hücumları səbəbindən Süveyş kanalında yük daşımaları 66% azalıb. Dünən, aprelin 25-də Yəmən hərəkatı Ədən körfəzində ABŞ-ın esminesi və iki ticarət gəmisinə hücum edib. ABŞ donanması hücumu dəf etdiyini bildirib.
Poliqon.info
Digərxəbərlər
Populyar xəbərlər
