Əfsanəvi kanadalı xokkeyçi Bobbi Hqll vəfat edib

PİA.az xarici mətbuata əsasən xəbər verir ki, bu barədə ESPN kanalının saytı məlumat yayıb. Xəbərdə xokkeyçinin ölüm səbəbi açıqlanmayıb.

Hall, 50-ci illərin sonlarında NHL-in Chicago Black Hawks klubunda ad şöhrət qazanıb. 1961-ci ildə başqa bir əfsanəvi hücumçu Sten Mikita ilə silsilə hücumlar təşkil edən Hall, Çikaqoya 38 il ərzində ilk Stenli Kubokunu qazandırıb.

Hall 15 mövsüm Chicago Blackhawks klubu üçün oynayıb və bu müddət ərzində 608 qol vurub ki, bu hələ də klubun rekordudur. İki dəfə (1965 və 1966-cı illərdə) Hall NHL Liqasının ən dəyərli oyunçusu kimi tanınıb, 1969-cu ildə bir mövsümdə qol sayına görə NHL rekordunu (58 qol) qqırıb. Bu rekord iki il davam edib.

Sürətinə və sarı saçlarına görə (o vaxt xokkeyçilər dəbilqəsiz oynayırdılar) Bobbi azarkeşlərdən “Qızıl raket” ləqəbini qazanmışdı. Sürətlə yanaşı, Hall ən güclü atışı ilə seçilirdi.

1972-ci ildə Hall Winnipeg Jets klubuna keçib və o zaman peşəkar xokkeydə ən bahalı müqaviləni imzalayıb. Vinnipeq Jets klubu ilə müqaviləyə əsasən, Hall ildə bir milyon dollardan çox qazanırdı. Vinnipeq Jets klubu ilə o, iki dəfə Avco Kubokunu (WHA-nın əsas komanda kuboku) qazanıb və iki dəfə Assosiasiyanın ən yaxşı oyunçusu kimi tanınıb. Bobby Hall karyearsı boyunca 610 qol vurub və 1170 xal toplayaraq NHL-də oynamağa son verib.

Wayne Gretzky dövrünün gəlişinə qədər Bobbi Hall mütəxəssislər tərəfindən xokkey tarixinin ən böyük oyunçusu hesab olunurdu.

pia.az