Rusiya prezidenti Vladimir Putin Volqoqradda Ukraynaya Qərb tanklarının verilməsi və Rusiyaya qarşı “müasir müharibə” haqqında danışıb…
Putin: “Məsələ zirehli texnikanın istifadəsi ilə bitməyəcək. Bunu hamı başa düşməlidir”.
PİA.az Rusiya mətbuatına istinadən xəbər verir ki, Stalinqrad döyüşündə qələbənin 80-ci ildönümünü qeyd etmək üçün Volqoqrada gedən Putin Qərbin Ukraynaya verdiyi tankları şərh edib. Rusiya prezidenti iddia edib ki, müasir müharibə çox fərqli olacaq:
“Rusiya ilə müasir müharibə tamamilə fərqli olacaq, çünki Moskvanın Rusiya sərhədləri yaxınlığında NATO tankları ilə potensial görünüşünə cavab verəcəyi bir şeyi var. Məsələ zirehli texnikanın istifadəsi ilə bitməyəcək. Bunu hamı başa düşməlidir”, deyə Putin vurğulayıb.
“Nasizmin ideologiyası özünün müasir təzahürü ilə yenidən Rusiyanın təhlükəsizliyinə birbaşa təhdidlər yaradır”, deyə Rusiya prezidenti Vladimir Putin Stalinqrad döyüşündə qələbənin 80 illiyi şərəfinə keçirilən konsertdəki çıxışında bildirib.
Putinin sözlərinə görə, Rusiya kollektiv Qərbin təcavüzünü dəf etmək məcburiyyətindədir.
“İndi Rusiyanı yenə göyərtəsində xaçlar olan alman Leopard tankları ilə təhdid edirlər və onlar yeni Hitler nəsli banderçilərin vasitəsi ilə, Ukrayna torpaqlarında Rusiya ilə döyüşməyə hazırlaşırlar”, deyə Putin çıxışında qeyd edib.
Putin vəziyyəti “inanılmaz, lakin fakt” olaraq şərh edib.
Putin həmçinin vurğulayıb ki, Qərbin bəyanatlarına baxmayaraq, Rusiyanın “bütün dünyada, o cümlədən Amerika qitəsində, Şimali Amerikada və Avropada” çoxlu dostları var.
pia.az
Digərxəbərlər
Populyar xəbərlər
