İran prezidenti İbrahim Rəisi deyib ki, İsrail hücuma cavab olaraq İslam Respublikasının iqtisadiyyatını sarsıtmağa cəhd edə bilər...
Poliqon xəbər verir ki, bu barədə İranın İRNA xəbər agentliyi məlumat yayıb.
Rəisinin sözlərinə görə, İran belə hadisələrə hazırdır. Ölkənin hakimiyyət orqanları iqtisadi sabitliyi dəstəkləmək üçün bütün lazımi tədbirləri dərhal həyata keçirəcək.
İran prezidenti İsrailə qarşı zərbəni güclü, tarixi və qalibiyyətli əməliyyat adlandırıb. O vurğulayıb ki, hazırda İslam Respublikası öz gücünün zirvəsindədir.
İsrail Müdafiə Qüvvələrinin (IDF) nümayəndəsi Piter Lerner isə bildirib ki, yaxın günlərdə İsrail hakimiyyət orqanları İranın hücumuna cavab qərarı verəcək.
"İsrail bazar ertəsi və ya yaxın günlərdə gələcək addımlar barədə qərar verəcək", deyə rəsmi bildirib.
"ABC News" telekanal xəbər verir ki, İsrail Müdafiə Qüvvələri (IDF) artıq yəhudi dövlətinin hökumətinə İranın hücumuna cavab vermək üçün bir sıra variantlar təqdim edib.
Bundan əvvəl İsrail prezidenti İsaak Hersoq yəhudi dövlətinin İranla müharibə axtarmadığını və təmkin nümayiş etdirərək onun hücumuna cavab tədbirləri üzərində çalışdığını bildirib.
Poliqon.info