İnformasiya və rabitə sahəsində fəaliyyət göstərən müəssisələr tərəfindən 2024- cü ilin yanvar-mart aylarında əvvəlki ilin müvafiq dövrü ilə müqayisədə göstərilən xidmətlərin dəyəri real ifadədə 10,4 faiz artaraq 766,4 milyon manat təşkil edib ki, onun da 74,1 faizi əhali tərəfindən istehlak olunub...
Poliqon-un Dövlət Statistika Komitəsinə istinadən xəbərinə görə, bu xidmətlərdən əldə edilən gəlirin 36,8 faizi və ya 281,7 milyon manatı mobil telefon rabitəsi sahəsində formalaşıb.
İstehlak bazarı 2024-cü ilin yanvar-mart aylarında istehlakçıların tələbatlarının ödənilməsi məqsədilə satılan malların və göstərilən xidmətlərin dəyəri 16,8 milyard manat olmaqla 2023- cü ilin yanvar-mart aylarına nisbətən müqayisəli qiymətlərlə 3,6 faiz artıb.
Qeyri-dövlət sektorunun təsərrüfat subyektləri tərəfindən satılmış malların və göstərilən xidmətlərin dəyəri 2023-cü ilin birinci rübü ilə müqayisədə 3,6 faiz artaraq 16,1 milyard manata bərabər olub ki, onun 46,0 faizi fərdi sahibkarların fəaliyyəti sayəsində formalaşıb.
Poliqon.info
Digərxəbərlər
Populyar xəbərlər
