İranın zənginləşdirilmiş uran ehtiyatlarının böyük olması o demək deyil ki, Tehranın nüvə silahı var...
Atom Enerjisi üzrə Beynəlxalq Agentliyin (MAQATE) İranın nüvə proqramının mövcudluğu barədə məlumatı yoxdur.
Poliqon xəbər verir ki, bunu bunu agentliyin rəhbəri Rafael Qrossi BMT Təhlükəsizlik Şurasının iclasından sonra deyib.
“Uranın çox yüksək səviyyədə toplanması avtomatik olaraq o demək deyil ki,İranın nüvə silahı var. Bizdə İranın nüvə silahı proqramı olduğuna dair heç bir məlumat və ya əlamət yoxdur”, deyə Qrossi bildirib.
MAQATE rəhbəri vurğulayıb ki, Tehranın ixtiyarında olan zənginləşdirilmiş uran ehtiyatlarının texniki cəhətdən eyni silah səviyyəli miqyası beynəlxalq ictimaiyyət arasında ehtiyatlılıq və suallar yaradır.
Qrossi bildirib ki, İranın zənginləşdirilmiş uranın böyük həcmdə olması məsələsini müzakirə etmək üçün bir neçə həftə ərzində Tehrana səfər etməyi planlaşdırır.
“Ümid edirəm ki, yaxın bir neçə həftə ərzində Tehrana qayıdacam və vəziyyəti normallaşdırmağa çalışacam. Eyniz zamanda ümid edirəm ki, vəziyyəti yüksək əməkdaşlıq səviyyəsinə çıxara biləcəm”, deyə MAQATE rəhbəri qeyd edib.
Poliqon.info
Digərxəbərlər
Populyar xəbərlər
