HƏMAS İsrailin müvəqqəti saziş bağlamaq istəyini şərh edib

İsrail Qəzza zolağında döyüşlər bərpa olunmazdan əvvəl bütün girovları geri almaq üçün Fələstinin radikal HƏMAS hərəkatı ilə müvəqqəti atəşkəs sazişi bağlamaq istəyir.

Poliqon xəbər verir ki, bunu Çinin “Sinxua” Agentliyinə HƏMAS Siyasi Bürosunun üzvü İzzət ər-Rişq deyib.

“İsrail əsirlərinin azad edilməsi üçün müvəqqəti razılığa gəlmək istəyir ki, sonra müharibəni və Fələstin xalqını məhv etməyə davam edə bilsin”, deyə HƏMAS Siyasi Bürosunun üzvü bildirib.

İzzət ər-Rişqin sözlərinə görə, İsrail Müdafiə Qüvvələrinin (İDF) girovları güc yolu ilə azad etmək cəhdləri baş tutmayıb.

Əl-Rişq yekun atəşkəsin Fələstin xalqının müdafiəsi üçün yeganə təminat olduğunu vurğulayaraq, HƏMAS-ın İsrail ordusunun Qəzzadan tamamilə çıxarılması və köçkünlərin öz evlərinə qayıtması ilə bağlı mövqeyinə sadiq qaldığını bildirib.

Poliqon.info