Bu günə qədər İsrail və HƏMAS arasında atəşkəs, eləcə də girovların azad edilməsi ilə bağlı danışıqlar praktiki olaraq dondurulub...
Poliqon xəbər verir ki, bu barədə NBC News telekanalı ərəb diplomatına istinadən məlumat yayıb.Telekanalın mənbəsi bildirib ki, tərəflər çıxılmaz vəziyyətə düşüb.
NBC-nin məlumatına görə, müzakirələrdə heç bir irəliləyiş yoxdur, çünki İsrail və İran arasındakı gərginlik aprelin əvvəlindən “önə çıxıb” və danışıqlar prosesini çətinləşdirib. Mənbə danışıqların davam etdirilməsi planlarını açıqlamayıb.
Qeyd edək ki, bir gün əvvəl “The Times of Israel” İsrail rəsmisinə istinadən yazıb ki, HƏMAS nümayəndələri son danışıqlarda razılaşmanın bütün müddəalarını rədd ediblər. Xüsusilə silahlılar tam atəşkəs və İsrail qoşunlarının Qəzza zolağından çıxarılması şərti ilə birinci mərhələdə 40 yox, cəmi 20 girovu azad etməyə hazır olduqlarını bəyan ediblər.
HƏMAS və İsrail arasında razılaşmaya dair danışıqlar ABŞ, Qətər və Misirin vasitəçiliyi ilə aparılır. İsrail hərbi əməliyyatlar başa çatdıqdan sonra Qəzzada təhlükəsizlik nəzarətinin yaradılmasının vacibliyində israr edir. İsrail tərəfinin məlumatına görə, anklavda 129 nəfər girov qalıb, onlardan 34 nəfəri İDF-nin ölü hesab etdiyi şəxslərdir.
Poliqon.info
Digərxəbərlər
Populyar xəbərlər
