Birləşmiş Ştatlar Qəzza zolağının şimal hissəsinə təyyarələrdən daha bir humanitar yardım partiyası göndərib...
Poliqon xəbər verir ki, bu barədə ABŞ Mərkəzi Komandanlığının (CENTCOM) məlumatına görə, aprelin 16-da anklava 25 min ədəd ərzaq bağlaması atılıb.
“ABŞ Mərkəzi Komandanlığı davam edən münaqişədən zərər çəkmiş mülki şəxslərə əsaslı yardım göstərmək üçün aprelin 16-da Qəzzanın şimalına humanitar yardım göndərib”, deyə məlumatda bildirilir.
Qeyd edək ki, ABŞ, İordaniya, Misir, Qətər, BƏƏ və Fransa mart ayında Qəzza zolağına humanitar yardım çatdırmağa başlayıb. Qərar anklavda 100-dən çox fələstinlinin yük maşını ilə gələn humanitar yardımı almağa çalışarkən izdiham və İsrail əsgərləri ilə toqquşma nəticəsində həlak olmasından sonra verilib.
Bu arada BMT və ÜST yerli sakinlərin təhlükəsizliyinə mümkün təhdidlərə görə yardımın havadan çatdırılma üsulunu tənqid edib. Martın əvvəlində havadan atılan humanitar yardımların düşməsi beş fələstinlinin ölümünə və daha on nəfərin yaralanmasına səbəb olub.
Poliqon.info
Digərxəbərlər
Populyar xəbərlər
