Ən çox yoxsullaşan rus milyarderlərinin reytinqinə Aleksandr Mamut başçılıq edir...
Poliqon xəbər verir ki, Forbes ən yoxsul 10 rus milyarderinin adını açıqlayıb.
Forbes jurnalına görə Aleksandr Mamut Rusiyanın ən çox yoxsulaşan rus milyarderi olub. Bir il ərzində Masmut sərvətinin 40%-ni itirib. İndi iş adamının kapitalı 2019-cu ildə olduğu kimi 2,5 milyard dollar olaraq qiymətləndirilir.
Reytinqdə ikinci yerdə “VkusVilla”nın təsisçisi Andrey Krivenko qərarlaşıb. Onun kapitalının dəyəri il ərzində 29% azalaraq 1,5 milyard dollara düşüb.
İlk üçlüyü “FixPrice” şəbəkəsinin həmtəsisçisi Artem Xaçatryan qapayır. onun sərvəti 2023-cü ilin sonunda şirkətdəki payını satdıqdan sonra 24% azalaraq 1,6 milyard dollara düşüb.
Rusiyanın ən yoxsul milyarderləri arasında bir sıra ticarət mərkəzlərinin sahibi və Şeremetyevo Beynəlxalq Hava Limanının nəzarət paketinin sahibi Aleksandr Ponomarenko (-23%, 2 milyard dollara qədər) və onun biznes ortağı Aleksandr Skoroboqatko (-22%, 2,1 milyard dollara qədər) yer alıb.
İlk 10-luğa həmçinin “VSMPO-Avisma” səhmlərinin nəzarət paketinin sahibi Mixail Şelkov, “FixPrice”in həmtəsisçisi Sergey Lomakin, iş adamı İvan Savvidi, Eurochem-in təsisçisi Andrey Melniçenko və “Wildberries”in sahibi Tatyana Bakalçuk daxil olub.
Poliqon.info