Ukraynaya yeni hərbi yardım paketi çərçivəsində ABŞ Amerika müəssisələri ilə 6 milyard dollara qədər silah və avadanlıq istehsalı üzrə müqavilələr imzalamağı planlaşdırır...
Poliqon xəbər verir ki, bu barədə Politico qəzeti yazır. Nəşrin məlumatına görə, müqavilələr bu gün, aprelin 26-da təsdiq və elan oluna bilər.
Təchizatlara Patriot hava hücumundan müdafiə sistemləri və NASAMS hava hücumundan müdafiə sistemləri üçün döyüş sursatları, artilleriya sursatları, pilotsuz uçuş aparatları və əks-dronlar, həmçinin hava-hava raketləri daxil olacağı gözlənilir. Lakin bu silahların tədarükü bir neçə il çəkəcək, çünki onların istehsalı üçün müəyyən vaxt lazımdır.
Qəzetin yazdıqlarını şərh edən Pentaqon bildirib ki, departamentin Ukraynaya təhlükəsizlik yardımı göstərilməsi ilə bağlı heç bir sözü yoxdur.
Qeyd edək ki, aprelin 24-də ABŞ Senatı Ukraynaya yardım üçün 61 milyard dollar ayrılmasını təsdiqləyib. Həmin gün bu qanun layihəsini Amerika prezidenti Co Bayden imzalayıb.
Poliqon.info
Digərxəbərlər
Populyar xəbərlər
