Ustad türk aktyor dördüncü dəfə xərçəng xəstəliyinə tutulub

PİA.az Türkiyə mətbuatına istinadən xəbər verir ki, daha əvvəl 3 dəfə xərçəngə qalib gələn Akbaş müalicəsinə başladığını bildirib:

“10 il əvvəl tutuldum və qalib gəldim. Hazırda özümü yaxşı hiss edirəm. Bunu ilk məndən eşitməyinizi istədim”.

Daha əvvəl qalın bağırsaq, qırtlaq və bağırsaq xərçəngi ilə mübarizə aparan Ayemir Akbaş sosial media hesabından yenidən xərçəngə tutulduğunu bildirib.

Xəstəxanada çəkilən fotonu Instagram hesabında paylaşan Akbaş deyib:

“Hər kəsə salam. Təxminən 15 günlük müayinələrdən sonra məlum oldu ki, xərçəng xəstəsiyəm. 10 il əvvəlki də bənzər şəkildə olmuşdu və sağ qalmışdım. Müalicəm cənab Dursun Buğra nəzarətində başladı. Hazırda özümü çox yaxşı hiss edirəm, ümid edirəm ki, belə hiss edib sağalacağam. İstədim ki, ilk məndən eşidəsiniz, hələlik yazmağa və işləməyə davam edirəm. Məni sevənlərə və yaxınlarıma salamlar, sevgilər”.

pia.az