İsrailin hava hücumu Qəzzada azı 7 nəfərin həyatına son qoyub

Poliqon xəbər verir ki, bu barədə Qətərin Al Jazeera telekanalı məlumat yayıb.

Məlumata görə, İsrail Müdafiə Qüvvələrinə məxsus təyyarələr şəhərin şərqindəki Əl-Zeytun bölgəsində yaşayış kompleksini bombalayıb. Fələstin rəsmilərinin məlumatına görə, bombardman nəticəsində 5-i uşaq olmaqla 7 nəfər həlak olub.

Televiziya kanalı həmçinin Fələstin anklavının cənubunda, Misirlə sərhəddə yerləşən Rəfahda iki ölü və bir neçə yaralı olduğunu bildirib. Qeyd olunur ki, İsrail ordusunun mülki avtomobilə endirdiyi zərbə zamanı iki mülki şəxs həlak olub.

Poliqon.info