Çin və Braziliyanın hakimiyyət orqanları qlobal parçalanmaya və qapalı siyasi və ya iqtisadi blokların yaranmasına qarşıdırlar...
Poliqon xəbər verir ki, bu barədə Çinin xarici işlər naziri Van İ və Braziliya prezidentinin beynəlxalq məsələlər üzrə xüsusi nümayəndəsi Selso Amorimin birgə bəyanatında deyilir.
"Tərəflər dünyanın parçalanmasına və qapalı siyasi və ya iqtisadi blokların yaradılmasına qarşıdırlar", deyə Çin Xarici İşlər Nazirliyinin saytında Ukraynadakı böhranlı vəziyyətin həllinə həsr olunmuş Pekində keçirilən ikitərəfli görüşdən sonra dərc olunan sənəddə deyilir.
Van İ və Amorim həmçinin enerji, pul və maliyyə siyasəti, ticarət və ərzaq təhlükəsizliyi ilə bağlı beynəlxalq əməkdaşlığın gücləndirilməsinin vacibliyini qeyd ediblər. Bildirilir ki, neft və qaz kəmərləri, sualtı fiber-optik kabellər kimi mühüm infrastrukturun qorunmasını təmin etmək lazımdır.
Qeyd olunur ki, Çin və Braziliya beynəlxalq təchizat zəncirlərinin sabitliyini təmin etməyə çalışırlar. Hər iki tərəf beynəlxalq ictimaiyyəti iki dövlətin konsensusunu dəstəkləməyə və qoşulmağa, deeskalasiyada konstruktiv rol oynamağa və Ukrayna münaqişəsinin həlli üçün dinc danışıqlara şərait yaratmağa çağırır.
Qeyd edək ki, Çin və Braziliya BRICS-in qurucu ölkələri sırasındadır. "BRIC Club" rəsmi olaraq 2006-cı ildə Sankt-Peterburq Beynəlxalq İqtisadi Forumunda yaradılıb və ilkin olaraq Braziliya, Rusiya, Hindistan və Çindən ibarət olub. 2010-cu ildə Cənubi Afrika da ona qoşulub və klub BRICS adlandırılmağa başlayıb.
22-24 avqust 2023-cü il tarixlərində Yohannesburqda keçirilən BRICS sammitində Argentina, İran, Efiopiya, Misir, Səudiyyə Ərəbistanı və BƏƏ-nin 2024-cü il yanvarın 1-dən kluba qoşulması qərara alınıb. Lakin prezident seçkilərində Xavyer Miley qalib gəldikdən sonra Argentina üzvlük müraciətini son anda rədd edib.
Poliqon.info
Digərxəbərlər
Populyar xəbərlər
