Blinken Baydendən xahiş edəcək...

ABŞ dövlət katibi Entoni Blinken Kiyevə son səfərindən sonra prezident Co Baydenə Ukraynanın Rusiya ərazisinə Amerika silahları ilə zərbələr endirməsinə qoyulan qadağanı ləğv etməyi təklif etmək istəyir.

Poliqon xəbər verir ki, bu barədə The New York Times qəzeti Amerika rəsmilərinə istinadən məlumat yayıb.

“İndi Ukrayna ilə sərhəddə yerləşən raket buraxılış məntəqələrinə ukraynalıların zərbə endirməsinə qoyulmuş qadağanın ləğvi ilə bağlı ABŞ administrasiyası daxilində aktiv müzakirələr gedir, çünki Rusiya silahlarının bu cür təşkili son uğurlara töhfə verib”, dey. NYT yazır.

Nəşrin məlumatına görə, Ukrayna Silahlı Qüvvələrinə Rusiya ərazisinə zərbələr endirmək üçün Amerika silahlarından istifadə etməyə icazə verilmədiyi üçün Rusiya hərbçiləri bu strategiyanı seçib. NYT qeyd edir ki, Kiyevə səfərindən sonra Blinken ABŞ prezidenti Co Baydenə bu məhdudiyyətin aradan qaldırılmasını təklif etmək niyyətindədir.

Qəzetin yazdığına görə, söhbət yalnız hərbi hədəflərə hücumlara qoyulan məhdudiyyətlərin aradan qaldırılmasından gedir, eyni zamanda Rusiya neft emalı zavodlarına və digər infrastruktura hücumlarda Amerika silahlarından istifadəyə qoyulan qadağa qüvvədə qalacaq.

Qeyd edilir ki, təklif hələ yekunlaşdırılmayıb və Baydenin yaxın çevrəsindən neçə məmurun onu dəstəklədiyi hələ məlum deyil. NYT iddia edir ki, Amerika liderinin özü adətən bu tip məsələlərlə bağlı ehtiyatlı davranır.

Poliqon.info