Milli Məclis DSMF-nin builki büdcəsinə dəyişiklikləri müzakirəyə çıxarır

Bu barədə "Report"un sorğusuna cavab olaraq parlamentin Əmək və sosial siyasət komitəsinin sədri Musa Quliyev bildirib.

Komitə sədri həmçinin qeyd edib ki, “İşsizlikdən sığorta fondunun 2024-cü il büdcəsi haqqında” qanuna dəyişiklik layihəsi də Milli Məclisə daxil olub: "Sənədlər komitənin sabah-mayın 24-də keçiriləcək iclasında müzakirəyə çıxarılacaq".

Qeyd edək ki, Dövlət Sosial Müdafiə Fondunun 2024-cü il büdcəsinin gəlirləri 6 919 860 000,0 manat, xərcləri 6 919 860 000,0 manat məbləğində təsdiq edilib.

İşsizlikdən Sığorta Fondunun isə 2024-cü il büdcəsinin gəlirləri 238 000 000,0 manat, xərcləri 238 000 000,0 manat məbləğində təsdiq edilib.

Poliqon.info