Macarıstanın baş naziri Viktor Orban Rusiya ilə Ukrayna arasında hərbi münaqişənin kəskinləşməsindən ehtiyat edir...
Poliqon xəbər verir ki, bu barədə Macarıstan lideri “Blikk” onlayn nəşrinə müsahibəsin də bildirib.
Orban qey edib ki, münaqişəni həll etmək üçün, təkcə Moskva və Kiyev arasında deyil, həm də Moskva ilə Vaşinqton arasında danışıqlar aparılmalıdır.
“Müharibə dayanmayan, hərəkət edən bir heyvandır. Hazırda isə işlər daha çox eskalasiyaya doğru gedir... Müharibənin növbəti mərhələsində Ukraynaya Rusiya ərazisinə çata bilən texnika veriləcək və ya Allah göstərməsin, Qərbi Avropa dövlətlərinin və ya NATO-nun əsgərləri Ukrayna ərazilərinə daxil olacaq”, deyə baş nazir müsahibəsində bildirib.
Viktor Orban danışıqların kimlər arasında aparılacağı barədə düşünməyə çağırıb. O hesab edir ki, Ukraynanın arxasında bütün Qərb dayanır və “müəyyən mənada bu, proxy müharibədir”.
“Ukrayna ilə Rusiya arasında bir növ təmas olmalıdır. Lakin bundan sonra ruslar və amerikalılar arasında danışıqlar olmalıdır ki, bu da, yeri gəlmişkən, təkcə Rusiya və Ukraynaya deyil, bütün Avropa təhlükəsizlik sisteminin problemləri üçün vacibdir və bizim gələcək 20-30 ilik gələcəyimizi yaxşı müəyyən edə bilər”, deyə Viktor Orban bildirib.
Qeyd edək ki, Macarıstan hakimiyyəti dəfələrlə Aİ ölkələrini Ukraynanı dəstəklədiklərinə görə tənqid edib. Nazir həmçinin hesab edir ki, Qərb ölkələrinin Ukraynaya hərbi personal göndərməsi üçüncü dünya müharibəsinə gətirib çıxara bilər.
Poliqon.info